Dil Toot Jayega!

Aise nashe mein hi
Hum theek hai saaki
Hosh aa gaya toh
Dil toot jayega!

Kabhi aankhon mein khwab
Toh kabhi armaan
Paimana sukh gaya toh
Dil toot jayega!

Waise toh duniya se bhi
Lad lunga lekin
Usne saath na diya toh
Dil toot jayega!

Kya kya karun mein
Dil ka dil rakhne ko
Dil hai dil lekin
Aakhir toot jayega!

Kahin kho gaya ...

Zindagi ka rukh kuch aise badal gaya
Jaana tha kahan aur chale kahan gaya
Har pal yeh sochne par majboor ho gaya
Musafir is bheed mein kahin kho gaya

Har subah karta hun tere aane ka intezaar
Har shaam tak aankhe rasta dekhti hai tera
Tu kaunsi dagar par kahan chale gaya
Musafir is bheed mein kahin kho gaya

Har pal dhadakta hai dil tere liye sanam
Naam lekar tera bulata hai dil mera
Tu kaunsi dagar par kahan chale gaya
Musafir is bheed mein kahin kho gaya

Saathi tu ne waada kiya saath nibhane ka
Kahan hai tu tanha hai yeh dil mera
Tu kaunsi dagar par kahan chale gaya
Musafir is bheed mein kahin kho gaya

Ab toh jaana tu mere paas aana
Kitne sitam sahoo ab main aura tera
Tu kaunsi dagar par kahan chale gaya
Musafir is bheed mein kahin kho gaya!

STATISTICS

Stats ke naam se
Hum hue aise pareshaan
Lagta hai jaise koi
Le raha ho jaan

Pehle pehle laga tha
Sirf hum par zulm hua
Aaj ehsaas hua saathiyon
Tum bhi maang rahe ho dua

Aisa kya hai Stats mein
Itna daraata kyon hai
Hum sab "ullu" toh nahi
Ya yeh humara vehem hai

Jab jab stats ko sochta hun
Tab tab dar lagta hai
Ramsey bhaiyon ki AAHAT ka
Agla episode dikhta hai

Ab bas aur nahi
Darna toh yahan Mana hai
Ankhen khuli ho ya ho band
Stats mein paas hona hai

Chalo doston kuch karen hum
Is stats par kaabu paa le
Nahin toh aisa hoga yaaron
Exams mein yeh band baja de

Tum samajh sakte ho kaise
Stats ne humein lapeta hai
Uske chaukat par jalakar shama
Humne palkon par khwab sulaye hai!