Madhosh

kyon yaad karta hai tumko
shayad usse bhi yeh pata nahi
dil ke zakhmon ka dard
shayad dil ne bhi pechana nahi

woh raton ko jagkar
tum hi ko sochna
woh din bar tumhare
deedar ko tarasna
woh suni dagar par
befaam bhatakna
woh tapti dhoop mein
raah dekhna
woh shyam ko thakk kar
ghar ko laut ana
woh dil ko samjhana
nasihat bhi dena
woh aankhon ke pyale se
aasoo.on ka chalakna
woh "maula" ko poochna
shikayat si karna
phir aaftaab ko dekhkar
dheere se muskurana
lajarate taaron ko dekh
apne par itarana

na khane ka hosh
na peena ka hosh
ek hi aarazoo
mein hai madhosh
kyon karta hai tumko
woh itna pyar
kab milega uskedil ko karaar
naye din ke saath
dard aur badhta hai
zakhmon ka lekin
ehsaas nahi hota hai

kyon yaad karta hai tumko
shayad usse bhi yeh pata nahi
dil ke zakhmon ka dard
shayad dil ne bhi pechana nahi!