Diwangi ki wajah

Zindagi khamoshi mein beeti meri kuch is tarah
Dhoondta hun main deewana apni diwangi ki wajah
Raat din subah shaam khoya khoya rehta hun
Ghoomta hun har gali kooche mein yuhi bin wajah

Apni hi parchayi parayi lagne lagi hai
Apne hi aap se nafrat hone lagi hai
Dar lagta hai khwabon ko sajane ka
Jaane kya hai is ruswaee ki wajah
Zindagi khamoshi mein beeti meri kuch is tarah
Dhoondta hun main deewana apni diwangi ki wajah

Dost koi dushman koi samajh na paata hun
Gairon ko dekh kar sehem sa jaataa hun
Dar lagta hai ab logon se milne ko
Jaane kya hai iss deheshat ki wajah
Zindagi khamoshi mein beeti meri kuch is tarah
Dhoondta hun main deewana apni diwangi ki waja|